Tramp zajaviŭ pra namier viarnuć pad kantrol ZŠA vajskovuju bazu ŭ Afhanistanie
Prezident ZŠA Donald Tramp na sumiesnaj z premjer-ministram Vialikabrytanii Kiram Starmieram pres-kanfierencyi ŭ Łondanie zajaviŭ, što ZŠA źbirajucca viarnuć vajskovuju bazu Bahram u Afhanistanie, tamu što niepadalok ad jaje Kitaj vyrablaje jadziernuju zbroju.
Donald Tramp. Fota: Chip Somodevilla / Getty Images
«My źbiralisia pajści z Afhanistana, ale pajści ź siłaj i hodnaściu. I my źbiralisia zachavać Bahram — bujnuju avijabazu, adnu z najbujniejšych avijabaz u śviecie. A my addali jaje im prosta tak.
Darečy, ciapier my sprabujem jaje viarnuć. […] Heta moža być maleńkaja siensacyja. My sprabujem jaje viarnuć, bo im patrebnyja ad nas peŭnyja rečy. My chočam hetuju bazu nazad. Ale adna z pryčyn, čamu my jaje chočam, jak vy viedajecie — heta toje, što za hadzinu palotu adtul Kitaj vyrablaje svaju jadziernuju zbroju», — skazaŭ prezident ZŠA.
ZŠA vyvieli svoj vajskovy kantynhient z Afhanistana vosieńniu 2021 hoda ŭ pieryjad prezidenctva Džo Bajdena. Tady amierykanskija vojski pakinulii i bazu VPS u Bahramie. Adrazu paśla sychodu amierykancaŭ kantrol nad krainaj faktyčna bieź nijakaha supracivu pieraniaŭ radykalny isłamiscki ruch Taliban, dziela zmahańnia ź jakim u 2001 hodzie amierykanskija vojski akurat u Afhanistan uvodzilisia.
Čytajcie taksama:
Zaklinalnik Trampa: jak brytanski premjer znajšoŭ padychod u znosinach z prezidentam ZŠA
Tramp zajaviŭ, što Pucin jaho padvioŭ svaim niežadańniem zaviaršać vajnu
«Tyranija znoŭ pahražaje Jeŭropie». U Łondanie adbyŭsia bankiet u honar Donalda Trampa