Sikorski: Miažu ź Biełaruśsiu adkryjem, kali Kitaj nam dapamoža
Ministr zamiežnych spraŭ Polščy Radasłaŭ Sikorski zajaviŭ, što polski bok staić u pytańni biełaruskaj miažy ćviorda, ale Kitaj u hetym płanie moža dapamahčy.
Ministr zamiežnych spraŭ Polščy Radasłaŭ Sikorski i ministr zamiežnych spraŭ Kitaja Van I padčas sustrečy 15 vieraśnia. Fota: MZS Polščy
Sikorski prakamientavaŭ sustreču ź ministram zamiežnych spraŭ Kitaja Van I padčas sustrečy 15 vieraśnia.
«Sustreča z maim kitajskim kaleham była vielmi dobraj. My vyrašyli niekalki kankretnych pytańniaŭ.
Ale my ćviorda staim na miažy ź Biełaruśsiu. Kali Kitaj dapamoža nam, jak jon zrabiŭ u svoj čas, spynić pravakacyi z boku Biełarusi, miaža budzie adkryta», — napisaŭ jon u Ch.
U kamientary žurnalistam jon taksama dadaŭ, što spadziajecca, što hetym razam Kitaj dapamoža ŭ prablemach ź Biełaruśsiu hruntoŭna.
«U peŭnym sensie heta vielmi prosta. Kali hetaja miaža musić być adkrytaj, to tam nie mohuć haspadaryć niejkija bandy psieŭdaŭciekačoŭ, jakich prapichvaje Łukašenka», — zajaviŭ jon.
Polskaja pamiežnaja słužba siońnia paviedamiła, što 17 vieraśnia na miažy ź Biełaruśsiu było zafiksavana bolš za 80 sprobaŭ niezakonnaha praniknieńnia na terytoryju Polščy. U bok polskich pamiežnych patruloŭ kidali kamiani.
Čytajcie taksama:
Biznes nie viedaje, jak zaraz dastavić tavary ź Jeŭrasajuza ŭ Biełaruś. Ceny na dastaŭku šakujuć
MZS pahražaje «mierami, praduhledžanymi zakonam» polskim furam, jakija zaviśli ŭ Biełarusi
Łahistyčnyja kampanii znajšli alternatyvu zakrytaj miažy pamiž Polščaj i Biełaruśsiu
Łukašenka zahadaŭ pryščaplać nieluboŭ da Polščy pačynajučy sa škoły
Padčas rasijskaj ataki dronami na Polšču žyły dom moh być paškodžany abłomkami polskaj rakiety