Danija vyrašyła nabyć vysokadakładnuju zbroju dla strymlivańnia Rasii. Rasijski pasoł nazvaŭ heta varjactvam
Premjer-ministr Danii Miete Frederyksien u sieradu zajaviła, što ŭpieršyniu ŭ historyi kraina nabudzie vysokadakładnuju zbroju vialikaj dalnaści, tłumačačy heta nieabchodnaściu strymlivać pahrozu z boku Rasii, jakaja zachavajecca na hady napierad, piša Bi-bi-si.
Fota: Pascal Bastien / AP
Paźniej rasijski pasoł u Kapienhahienie Uładzimir Barbin nazvaŭ abhruntavańnie nieabchodnaści ŭzbroicca takoj zbrojaj ščyrym varjactvam.
«Nikomu, nidzie i nikoli ŭ śviecie navat u hałavu nie prychodziła publična pahražać jadziernaj dziaržavie», — cytuje rasijskaha pasła TASS.
Miete Frederyksien užo prakamientavała vykazvańnie Barbina.
«Rasija sprabuje pahražać Jeŭropie i NATO, kab my nie abaraniali svaich ludziej i miežy. Viadoma, my nie dazvolim siabie zapałochać, — zajaviła jana teleradyjokampanii DR.