Polšča aficyjna paviedamiła ŭ Minsk pra zatrymańnie ŭ Varšavie hramadzianki Biełarusi

Polšča aficyjna paviedamiła biełaruskim uładam pra toje, što na svajoj terytoryi zatrymała hramadzianku Biełarusi, piša BiełTA. Jaje abvinavačvajuć u tym, što jana kiravała bieśpiłotnym latalnym aparatam u zonie, dzie ŭstanoŭlenaja zabarona na paloty.

Budynak Bielviederskaha pałaca ŭ Varšavie, nad jakim zaŭvažyli niesankcyjanavany dron. Fota: Wikimedia Commons

U Ministerstvie zamiežnych spraŭ Biełarusi patłumačyli, što hety incydent nosić administracyjna-pravavy charaktar. Pracesualnymi dziejańniami zajmajucca polskija pravaachoŭnyja orhany, Biełaruś niepasredna ŭmiešvacca ŭ hety praces nie źbirajecca.

U vypadku nieabchodnaści hramadziancy Biełarusi abiacajuć akazać konsulskuju padtrymku.

Słužba achovy Polščy ŭčora viečaram niejtralizavała dron, jaki lotaŭ nad uradavymi budynkami ŭ centry polskaj stalicy. Pavodle apošniaj infarmacyi polskaj palicyi, pa spravie byli zatrymanyja dźvie asoby: 21-hadovy hramadzianin Ukrainy i 17-hadovaja hramadzianka Biełarusi. Zatrymańnie adbyłosia ŭ paniadziełak kala 19-j hadziny. 

Ułady pakul nie ahučyli mety maładych ludziej, ale havorka moža iści jak pra nieabdumany zapusk drona ŭ zabaronienaj dla palotaŭ zonie centra Varšavy, tak i pra metanakiravany zbor infarmacyi abo pravierku reakcyi słužbaŭ biaśpieki.

Kamientary da artykuła