U Minsku ułaśnik histaryčnaha budynka davioŭ jaho da ručki

Prakuratura Centralnaha rajona Minska znajšła parušeńni ŭ halinie achovy historyka-kulturnaj spadčyny. Kanstatujecca, što jurydyčnaja asoba, jakaja źjaŭlajecca ŭłaśnikam budynka — materyjalnaj historyka-kulturnaj kaštoŭnaści, doŭhi čas nie prymała naležnych mier dla zachavańnia abjekta, dapuściŭšy jaho psavańnie i nieabhruntavanyja pieraŭtvareńni.

Zdymak ilustracyjny. Fota: Hienieralnaja prakuratura

Pry ahladzie budynka prakurorskija rabotniki adznačyli vielmi kiepski stan abjekta: paškodžanyja architekturnyja elemienty, inžyniernyja kamunikacyi i fasad. Na dachu rasła raślinnaść, u vyniku čaho byŭ parušany hidraizalacyjny słoj. Unutry budynka bačnyja ślady vilhaci i ćvili z-za pranikańnia vady padčas apadkaŭ.

Usio heta śviedčyć pra nievykanańnie ŭłaśnikam achoŭnych abaviazkaŭ adnosna abjekta historyka-kulturnaj spadčyny.

Jak vynik, prakuror rajona nakiravaŭ dyrektaru jurydyčnaj asoby pradstaŭleńnie z patrabavańniem likvidavać parušeńni i pryčyny, jakija ich vyklikali, a taksama ŭziać vykanańnie hetaha akta pad kantrol.

Što heta za budynak, u paviedamleńni prakuratury nie ŭdakładniajecca.

Kamientary da artykuła