U Homieli na Dzień horada tysiača čałaviek stančyli pad pieśniu «Kasiŭ Jaś kaniušynu» VIDEA
Tysiača maładych hamielčukoŭ sinchronna ruchalisia na płoščy Lenina pad trek dueta Police in Paris, jaki niadaŭna staŭ papularnym u sacsietkach.
Skrynšot ź videa
Adzin z chłopcaŭ hetaha duetu davodzicca ŭnukam aŭtaru savieckaha chita Uładzimiru Mulavinu. Uład hraje u hurcie Police in Paris razam sa svaim siabram dziacinstva, taksama Uładam.
Chłopcy imkliva nabirajuć papularnaść u Jeŭropie. Jany ŭžo paśpieli vystupić na samym vialikim fiestyvali elektronnaj muzyki ŭ śviecie Tomorrowland, a ŭ sakaviku zładzili pieršy paŭnavartasny tur pa Azii.
Heta stała mahčyma ŭ tym liku i dziakujučy tamu, što kampazicyja Police in Paris prahučała ŭ aficyjnym saŭndtreku filma Babygirl ź Nikol Kidman i Antonia Banderasam u hałoŭnych rolach.
Žyvy vystup biełaruskaha chard-techna hurta Police in Paris čakajecca ŭviečary 14 vieraśnia na śviatočnaj placoŭcy kala Homielskaha ŭniviersiteta na vulicy Łanhie.
Čytajcie taksama:
Łukašenka raskazaŭ, jak asabista adradžaŭ ansambl «Pieśniary»
Pastavić namiot — ad 70 rubloŭ, šaŭrma pa 20, duš za 10: jak sielota prachodzić Viva Braslav
U eratyčnym filmie ź Nikol Kidman prahučała muzyka biełaruskaha hurta