У Гомелі на Дзень горада тысяча чалавек станчылі пад песню «Касіў Ясь канюшыну» ВІДЭА
Тысяча маладых гамельчукоў сінхронна рухаліся на плошчы Леніна пад трэк дуэта Police in Paris, які нядаўна стаў папулярным у сацсетках.
Скрыншот з відэа
Адзін з хлопцаў гэтага дуэту даводзіцца ўнукам аўтару савецкага хіта Уладзіміру Мулявіну. Улад грае у гурце Police in Paris разам са сваім сябрам дзяцінства, таксама Уладам.
Хлопцы імкліва набіраюць папулярнасць у Еўропе. Яны ўжо паспелі выступіць на самым вялікім фестывалі электроннай музыкі ў свеце Tomorrowland, а ў сакавіку зладзілі першы паўнавартасны тур па Азіі.
Гэта стала магчыма ў тым ліку і дзякуючы таму, што кампазіцыя Police in Paris прагучала ў афіцыйным саўндтрэку фільма Babygirl з Ніколь Кідман і Антоніа Бандэрасам у галоўных ролях.
Жывы выступ беларускага хард-тэхна гурта Police in Paris чакаецца ўвечары 14 верасня на святочнай пляцоўцы каля Гомельскага ўніверсітэта на вуліцы Ланге.
Чытайце таксама:
Лукашэнка расказаў, як асабіста адраджаў ансамбль «Песняры»
Паставіць намёт — ад 70 рублёў, шаўрма па 20, душ за 10: як селёта праходзіць Viva Braslav
У эратычным фільме з Ніколь Кідман прагучала музыка беларускага гурта