Žonka i padčarka Alaksandra Hleba zapuścili ŭłasny brend žanočaha adzieńnia. Buduć kankuravać sa svajačkaj

Papularnaja błohierka Śviatłana Hleb razam z dačkoj Nastaśsiaj (jana taksama błohierka) raskazali, što narešcie ažyćciavili maru. Abiacajuć dapamahčy žančynam vyhladać šykoŭna ŭ lubym vieku.

Śviatłana Hleb z dačkoj Nastaśsiaj Klimovič

Nastaśsia Klimovič — heta dačka Śviatłany Hleb i padčarka słavutaha eks-futbalista Alaksandra Hleba. Jak i maci, Nastaśsia viadzie błoh u instahramie. Jana taksama vyjšła zamuž za futbalista — jaje abranikam staŭ Uładzisłaŭ Klimovič, jaki viarnuŭsia ŭ žodzinski «Tarpieda-BiełAZ», a raniej hulaŭ u čempijanacie Vienhryi. Praz heta Nastaśsia z synam žyli na dźvie krainy — Biełaruś i Vienhryju.

Ciapier jana pryznałasia padpisčykam u instahramie, što daŭno maryła stvaryć ułasny brend adzieńnia — i narešcie vyrašyła zrabić heta razam z mamaj. Kaža, chočuć stvarać stylovuju vopratku dla žančyn luboha ŭzrostu.

Śviatłana Hleb ideju padtrymała. Nazvu brendu dali francuzskuju — Le Chik («šyk»). Ciapier žančyny zakuplajuć tkaninu dy furnituru. Pieršaja reč užo adšyta — heta pinžak. Mienavita jon i pieršym źjavicca ŭ prodažy.

Na Śviatłanie Hleb toj samy pieršy pinžak

Na budučyniu abiacajuć dastaŭku vopratki brendu pa Biełarusi i Rasii.

Za niekalki dzion na akaŭnt brenda ŭžo padpisałasia 10 tysiač čałaviek.

Cikava, što svoj brend adzieńnia daŭno maje žonka eks-futbalista Viačasłava Hleba, brata Alaksandra. Tamu kankuryravać pryjdziecca sa svajačkaj — błohierkaj Volhaj Hleb i jaje dzieciščam Moshe.

Kamientary da artykuła