U ZŠA adpuścili dvuch zatrymanych pa padazreńni ŭ zabojstvie Čarli Kirka, pošuk strałka praciahvajecca
Dva čałavieki, jakija ličylisia padazravanymi ŭ zabojstvie kansiervatyŭnaha aktyvista Čarli Kirka, byli vyzvaleny, pakolki ni adzin ź ich nie maje «suviazi sa stralboj». Pra heta piša CNN sa spasyłkaj na zajavu Departamienta hramadskaj biaśpieki štata Juta.
Čarli Kirk. Fota Alex Brandon / AP
«Pravodzicca rasśledavańnie i vyšuk strałka», — havorycca ŭ zajavie departamienta.
Prezident ZŠA Donald Tramp raniej vystupiŭ z zajavaj z Avalnaha kabinieta i nazvaŭ zabojstva Kirka «ciomnym momantam dla Amieryki».
«Maja administracyja znojdzie kožnaha, chto maje dačynieńnie da hetaha złačynstva i inšych aktaŭ palityčnaha hvałtu, uklučajučy arhanizacyi, što finansujuć i padtrymlivajuć jaho, a taksama tych, chto pieraśleduje našych sudździaŭ, supracoŭnikaŭ pravaachoŭnych orhanaŭ i ŭsich inšych, chto navodzić paradak u našaj krainie», — zajaviŭ Tramp.
Čytajcie taksama:
Siarod biełaha dnia ŭ ZŠA stralali ŭ palityka i papularnaha błohiera Čarli Kirka
Palityčny aktyvist i prychilnik Trampa Čarli Kirk, u jakoha ŭčora stralali ŭ Jucie, pamior