U milicyi raspracavali śpiecyjalnuju tabličku, jakaja palehčyć žyćcio ravarystam
10 vieraśnia ministr unutranych spraŭ Ivan Kubrakoŭ raskazaŭ, što ŭ jahonym viedamstvie raspracavali śpiecyjalnuju tabličku, jakaja dazvalaje ravarystam i karystalnikam srodkaŭ piersanalnaj mabilnaści (elektrasamakaty i inšyja) pierasiakać prajeznuju častku bieź śpiešvańnia, paviedamlaje BiełTA.
Da 2022 hoda praviły patrabavali, kab ravarysty zaŭsiody złazili z rovara pierad pierachodam praz darohu. Paśla šmatlikich zvarotaŭ rovarnaj supolnaści ŭ PDR unieśli źmianieńni: stała možna pierajazdžać darohu na rovary, kali chutkaść nie pieravyšaje 10 km/h. Adnak heta pryviało da rezkaha rostu DTZ, u tym liku ź ciažkimi nastupstvami.
Paśla analizu situacyi i abmierkavańniaŭ sa śpiecyjalistami pryjšli da vysnovy, što biaśpiečniejšaje ŭsio ž patrabavańnie śpiešvacca. Mienavita tamu ŭ abnoŭlenych Praviłach darožnaha ruchu, jakija ŭstupili ŭ siłu 1 vieraśnia, hetaja norma znoŭ zamacavanaja.
Razam z tym, kab zrabić ruch bolš zručnym dla ravarystaŭ, płanujecca ŭstanoŭka dadatkovych rovarnych śviatłaforaŭ. Ale pakolki hety praces nie chutki, užo pačali vykarystoŭvać śpiecyjalnyja tablički. Jany staviacca na tych učastkach, dzie niama kanfliktu pamiž transpartam i rovarami.
Kali na pierachodzie jość rovarny śviatłafor i zaharajecca zialony, to možna pierasiakać darohu nie śpiešvajučysia. Kali ž pad piešachodnym śviatłaforam ustalavanaja śpiecyjalnaja tablička, to taksama dazvalajecca pierajezd biez spynieńnia.
Čytajcie taksama:
U Biełarusi adkryjuć novy viełazavod
Biełarus padličyŭ, kolki razoŭ pa novych PDR jamu treba śpiešvacca pry pajezdcy rovaram na pracu
Ciapier elektrasamakaty i viełasipiedy treba rehistravać. Jakija i jak heta zrabić?
Milicyja rassyłaje samakatčykam esemeski ab parušeńni imi praviłaŭ darožnaha ruchu
Elektrasamakaty ŭ Minsku ŭžo nie zabava, a srodak transpartu
U Minsku biaspraŭnikaŭ łoviać pa kamierach. Navat tych, chto jedzie z maskaj na tvary