Polskija vajskoŭcy paćvierdzili, što abmieńvalisia ź Biełaruśsiu infarmacyjaj ab rasijskich dronach
Pradstaŭnik Apieratyŭnaha kamandavańnia polskaj armii raspavioŭ, što taki abmien infarmacyjaj źjaŭlajecca zvykłaj spravaj.
Jacek Haryšeŭski. Skrynšot videa TVP
Pradstaŭnik Abjadnanaha kamandavańnia Vojska Polskaha Jacek Haryšeŭski paćvierdziŭ, što polskaja armija abmieńvałasia ź Biełaruśsiu infarmacyjaj ab dronach, jakija parušyli pavietranuju prastoru Polščy.
Pa słovach Haryšeŭskaha, abmien infarmacyjaj z Ukrainaj i Biełaruśsiu nie źjaŭlajecca niečym vyklučnym, piša Onet.
«Ja nie chacieŭ by abvastrać situacyju, vyznačajučy, jakija dziejańni nosiać prapahandyscki charaktar. Mahu zapeŭnić, što abmien infarmacyjaj ažyćciaŭlajecca kožny raz, kali jość takaja nieabchodnaść, z kožnym z bakoŭ», — adznačyŭ jon.
Jon paćvierdziŭ, što Polšča abmieńvałasia infarmacyjaj z susiednimi krainami. Jon dadaŭ, što mnohija drony zalacieli ŭ Polšču «z rajona trajnoha styku miežaŭ».
Haryšeŭski padkreśliŭ, što praciahvajucca daśledavańni, ci byŭ načny incydent «atakaj na Polšču».
Načalnik biełaruskaha Hienštaba Pavieł Muraviejka raniej zajaviŭ, što biełaruski bok infarmavaŭ Polšču pra rasijskija bieśpiłotniki, jakija lacieli ŭ jaje bok.