U Polščy zatrymali biełaruskaha špijona i vysyłajuć adnaho z dypłamataŭ
Premjer-ministr Polščy Donald Tusk paviedamiŭ, što 8 vieraśnia Ahienctva ŭnutranaj biaśpieki zatrymała biełaruskaha ahienta.
Donald Tusk. Fota: Henry Nicholls, Pool Photo via AP
«Učora Ahienctva ŭnutranaj biaśpieki zatrymała biełaruskaha ahienta. Zatrymańnie źjaŭlajecca vynikam supracoŭnictva sa słužbami, uklučajučy Rumyniju i Čechiju. Budzie taksama vysłany z Polščy biełaruski dypłamat, jaki padtrymlivaje ahresiŭnyja dziejańni biełaruskich słužbaŭ u dačynieńni da našaj dziaržavy», — napisaŭ kiraŭnik polskaha ŭrada ŭ sacsietcy X.
Uviečary 8 vieraśnia stała viadoma pra vykryćcio sietki biełaruskich śpiecsłužbaŭ, jakaja dziejničała ŭ Jeŭropie. Tady ž stała viadoma pra zatrymańnie ŭ Rumynii byłoha namieśnika kiraŭnika Słužby raźviedki i biaśpieki Małdovy 47-hadovaha Alaksandra Bałana. Jaho abvinavačvajuć u špijanažy na karyść Biełarusi i zdradzie dziaržavie šlacham pieradačy infarmacyi, jakaja składaje dziaržaŭnuju tajnu.
Tady ž stała viadoma, što da hetaj sietki taksama moža mieć demakratyčny aktyvist, jaki da niadaŭniaha času pracavaŭ taksistam u adnym z pamiežnych polskich haradoŭ. Jaho imia pakul nieviadomaje. Nieviadoma taksama, ci mienavita hetaha čałavieka mieŭ na ŭvazie ŭ svaim paviedamleńni Donald Tusk.
Čytajcie taksama:
Stała viadoma imia biełaruskaha dypłamata ŭ Čechii, jaki moh mieć dačynieńnie da špijonskaj sietki
Čechija vysyłaje biełaruskaha dypłamata za špijanaž
U vykrytuju ŭ Jeŭropie špijonskuju sietku ŭvachodziŭ taksist-biełarus z Polščy