Tramp raskazaŭ, što raźličvaje na chutkuju razmovu z Pucinym
Prezident ZŠA raźličvaje, što ŭ chutkim časie praviadzie telefonnuju razmovu z Uładzimiram Pucinym.
Donald Tramp i Uładzimir Pucin padčas sustrečy na Alascy 15 žniŭnia 2025 hoda. Fota Jae C Hong / AP
«Vielmi chutka, ciaham bližejšych niekalkich dzion. Słuchajcie, my heta zrobim. Situacyju pamiž Rasijaj i Ukrainaj my ŭrehulujem. Ja ŭpeŭnieny, što my heta zrobim», — skazaŭ Tramp.
Amierykanski prezident taksama paŭtaryŭ, što jon niezadavoleny tym, jak raźvivajecca situacyja ŭ rasijska-ukrainskaj vajnie.
«Ja niezadavoleny imi. Ja niezadavoleny ŭsim, što źviazana z hetaj vajnoj», — skazaŭ jon.
Taksama prezident ZŠA raspavioŭ pra pryjezd u pačatku hetaha tydnia jeŭrapiejskich lidaraŭ u Vašynhton.
«Niekatoryja jeŭrapiejskija lidary pryjeduć u našu krainu ŭ paniadziełak abo aŭtorak, i ja dumaju, što my vyrašym hetaje pytańnie», — skazaŭ Donald Tramp.
Kamientary Trampa prahučali paśla taho, jak jon raniej u niadzielu paviedamiŭ žurnalistam, što jaho administracyja hatovaja pierajści da druhoha etapu sankcyj suprać Rasii.
Čytajcie taksama:
U ZŠA zajavili, što mohuć abrynuć ekanomiku Rasii. Ale treba dapamoha Jeŭropy
Kiełah pra ataku na Kijeŭ: Heta nie sihnał, što Rasija choča dypłamatyčnym šlacham skončyć vajnu