Zbornaja Biełarusi pa futbole pačała adbor na čempijanat śvietu z hrandyjoznaha pravału
U pieršym matčy hrupy C biełaruskaja zbornaja prajhrała ŭ Pirei kamandzie Hrecyi ź likam 1:5.
Hierman Barkoŭski, jaki zabiŭ siońnia adziny biełaruski hoł
Užo ŭ pieršym tajmie haspadary ažno čatyry razy zabili hały ŭ varoty Paŭła Paŭlučenka. Paśla pierapynku jany adznačylisia jašče raz, a Hierman Barkoŭski tolki zdoleŭ ź pienalci adyhrać adzin hoł.
U inšym siońniašnim matčy hrupy C zbornaja Danii ŭ Kapienhahienie zhulała ŭničyju z Šatłandyjaj — 0:0.
U druhim tury turniru 8 vieraśnia biełarusy «doma» (hulnia projdzie ŭ vienhierskim Załaehiersiehu) prymuć Šatłandyju, a Hrecyja sustreniecca z Danijaj u Pirei.
Čempijanat śvietu 2026 hoda ŭpieršyniu ŭ historyi projdzie adrazu ŭ troch krainach — ZŠA, Mieksicy i Kanadzie, i ŭpieršyniu ŭ finale buduć udzielničać 48 kamand zamiest raniejšych 32.
Pieramožcy 12 adboračnych jeŭrapiejskich hrup vyjduć na čempijanat śvietu napramuju. Kamandy ž, jakija zojmuć druhija miescy, buduć hulać u stykavych matčach.
Čytajcie taksama:
Biełaruski futbalist praśpiavaŭ u słavienskim kłubie pieśniu pra «śviatuju Ruś»
Jašče adzin biełaruski futbalist budzie hulać u čempijanacie Kipra
Illa Škuryn nie ŭklučany ŭ zajaŭku «Lehii» na ahulny etap Lihi kanfierencyj