U Pakistanie ŭžo nabirajuć achvotnych pracavać u Biełarusi

Biuro pa emihracyi i pracaŭładkavańni za miažoj urada Pakistana pačało publikavać abjavy pra pracu ŭ Biełarusi. Na siońnia prapanujecca siem śpiecyjalnaściaŭ, ź jakich piać źviazanyja z budaŭnictvam. Pieršyja vakansii źjavilisia 25 žniŭnia, a budaŭničyja abjavy — 3 vieraśnia, zaŭvažyŭ «Pozirk».

Ilustracyjnaje fota: mihranty ŭ Nacyjanalnym aeraporcie Minsk, 2021 hod. AP Photo/Hussein Ibrahim

U Łachory kampanija B.M.R. International nabiraje rabočych na budoŭlu: zvarščykaŭ, mularaŭ, bietonščykaŭ, armaturščykaŭ i cieślaroŭ. Zarobak va ŭsich adnolkavy — kala 1800 biełaruskich rubloŭ (600 dalaraŭ).

Jašče adna kampanija ź Piendžaba — American International — abiacaje pa 500 dalaraŭ 200 rabočym na pierapracoŭcy ryby i morapraduktaŭ u Breście (imavierna, na pradpryjemstvie «Santa Bremar»).

Akramia taho, Group Abu Abdullah šukaje šeść rabočych na vytvorčaść z zarpłataj 500—600 dołaraŭ. Pavodle sajta, častku takich śpiecyjalistaŭ užo znajšli.

Tema supracoŭnictva ŭ hetaj halinie ŭźnikła paśla sustreč biełaruskich i pakistanskich čynoŭnikaŭ. U krasaviku Alaksandr Łukašenka i premjer Pakistana Šachbaz Šaryf damovilisia raspracavać miechanizm pryjezdu ŭ Biełaruś pakistanskich rabočych. Abmiarkoŭvajecca mahčymaść pryniać u Biełarusi da 100—150 tysiač čałaviek.

Kamientary da artykuła