U Kaardynacyjnaj radzie prapanujuć uvieści abaviazkovy palihraf dla delehataŭ
«Kiejs Anžaliki Mielnikavaj, padazreńni adnosna matyvacyi Volhi Karpušonak čarhovy raz pakazvajuć metazhodnaść dadzienaj pracedury».
Fota: DENKernel / commons.wikimedia.org
Frakcyja «Vola» i Kamisija Kaardynacyjnaj rady pa nacyjanalnaj i rehijanalnaj biaśpiecy sa žniŭnia 2024 prapanoŭvała ŭvieści praceduru palihrafa dla delehataŭ i adkaznych supracoŭnikaŭ KR. Ciapier jany znoŭ nastojvajuć na hetym.
«Kiejs Anžaliki Mielnikavaj, padazreńni adnosna matyvacyi Volhi Karpušonak čarhovy raz pakazvajuć metazhodnaść dadzienaj pracedury», — tłumačyć błok «Vola».
Pačać pravierki na palihrafie jany hatovy z pradstaŭnika svajoj frakcyi i kiraŭnika Kamisii KR pa nacyjanalnaj i rehijanalnaj biaśpiecy Alaksandra Kłačko.
U błok «Vola», aproč Kłačko, uvachodziać taksama błohier Alaksandr Kabanaŭ, były kiraŭnik Misii demakratyčnaj Biełarusi ŭ Kijevie Hienadź Mańko, vałanciorka Karyna Malinoŭskaja, były aficer Maksim Dzienisievič.
Čytajcie taksama:
Karpušonak pryznała, što pieramahčy Łatušku ŭ samoj saboj zadadzienym farmacie joj nie pa siłach