Dla Aryny Sabalenki dumajuć naniać asabistuju achovu

Džejsan Stejsi, jaki ŭvachodzić u kamandu pieršaj rakietki śvietu ŭ žanočym adzinočnym razradzie ŭ jakaści treniera pa fizpadrychtoŭcy, paviedamiŭ, što ŭ jaje atačeńni razhladajuć mahčymaść pryciahnieńnia achovy.

Aryna Sabalenka. Fota: Robert Prange/Getty Images

«Jana prajšła šlach ad taho, kali jaje viedali tolki samyja addanyja prychilniki tenisa, da ciapierašniaj situacyi, kali Arynu paznajuć litaralna ŭsie. Jana vychodzić na vulicu, i ŭsie jaje paznajuć. Ludzi adrazu ž atačajuć Sabalenku. Jana nie moža vyjści za dźviery, tamu što natoŭp tut ža usklikaje: «Boža, tut Aryna!»

My ŭžo dumajem, što nam usim patrebnaja achova. Ale abaviazkova pryjdziecca składać płan, kudy i kali my pojdziem. A heta nialohka», — padkreśliŭ Stejsi ŭ vypusku błoha Aryny Sabalenki.

Ciapier Sabalenka vystupaje na US Open, zaklučnym turniry ź sieryi Vialikaha šlemu ŭ hetym hodzie. Tam jana ŭžo dajšła da paŭfinału, dzie najbližejšaj nočču zhulaje z Džesikaj Piehułaj z ZŠA.

Kamientary da artykuła