U Partuhalii abvieščana žałoba pa zahinułych u krušeńni funikulora ŭ Lisabonie
Zahinuli 15 čałaviek, 18 atrymali traŭmy, piaciora ŭ ciažkim stanie.
Fota: AP Photo/Armando Franca
U Partuhalii abvieščana žałoba pa zahinułych u vyniku krušeńnia funikulora «Hłoryja» ŭ Lisabonie, paviedamlaje Bi-bi-si.
Ofis premjer-ministra krainy Łuiša Mantenehru abviaściŭ hety čaćvier dniom nacyjanalnaj žałoby ŭ suviazi z trahiedyjaj u Lisabonie. Premjer admianiŭ usie spravy, adnak płanuje virtualna paŭdzielničać u sustrečy «kaalicyi achvotnych», jakaja projdzie ŭ Paryžy.
Da ranicy 4 vieraśnia ŭsio jašče nieviadomyja pryčyny avaryi i dakładnaja kolkaść pasažyraŭ, jakija byli ŭ vahonie. Paviedamlajecca, što zahinułych prynamsi 15, a paciarpiełych 18, ź ich piaciora — u ciažkim stanie. Asoby zahinułych i paciarpiełych pakul nie raskryvajucca.