У Партугаліі абвешчана жалоба па загінулых у крушэнні фунікулёра ў Лісабоне
Загінулі 15 чалавек, 18 атрымалі траўмы, пяцёра ў цяжкім стане.
Фота: AP Photo/Armando Franca
У Партугаліі абвешчана жалоба па загінулых у выніку крушэння фунікулёра «Глорыя» ў Лісабоне, паведамляе Бі-бі-сі.
Офіс прэм'ер-міністра краіны Луіша Мантэнэгру абвясціў гэты чацвер днём нацыянальнай жалобы ў сувязі з трагедыяй у Лісабоне. Прэм'ер адмяніў усе справы, аднак плануе віртуальна паўдзельнічаць у сустрэчы «кааліцыі ахвотных», якая пройдзе ў Парыжы.
Да раніцы 4 верасня ўсё яшчэ невядомыя прычыны аварыі і дакладная колькасць пасажыраў, якія былі ў вагоне. Паведамляецца, што загінулых прынамсі 15, а пацярпелых 18, з іх пяцёра — у цяжкім стане. Асобы загінулых і пацярпелых пакуль не раскрываюцца.