U Lisabonie syšoŭ z rejek papularny funikulor, try čałavieki zahinuli
U Lisabonie zdaryłasia surjoznaja avaryja z funikuloram «Hłoryja», jaki źjaŭlajecca adnym z papularnych turystyčnych abjektaŭ horada. Adzin z vahončykaŭ syšoŭ z rejek i ź vialikaj siłaj urezaŭsia ŭ budynak.
Funikulor «Hłoryja» ŭ 2024 hodzie. Fota: Horacio Villalobos#Corbis/Corbis via Getty Images
Pavodle roznych krynic, zahinuli jak minimum try čałavieki, kala dvaccaci atrymali traŭmy, troje ź ich u ciažkim stanie byli špitalizavanyja.
Śviedki raskazali, što funikulor pierad udaram raptoŭna straciŭ kiravańnie. Pavodle infarmacyi vydańnia Observador sa spasyłkaj na ratavalnikaŭ, pryčynaj avaryi staŭ abarvany tros u kanstrukcyi funikulora. Apošniaje techničnaje absłuhoŭvańnie abjekta pravodziłasia ŭ vieraśni 2024 hoda.
Avaryjnaja słužba praciahvaje rasśledavańnie incydentu i pracuje nad vyśviatleńniem usich abstavinaŭ trahiedyi.
Čytajcie taksama:
Troje darosłych zahinuli, piaciora dziaciej u balnicy — strašnaja avaryja na Hrodzienščynie