Mužčyna na mylicach napaŭ u Minsku na siamju z maleńkim dziciom
Incydent adbyŭsia 15 maja 2025 hoda na minskim praśpiekcie Pieramožcaŭ. Pjany mužčyna, jaki chadziŭ na mylicach paśla pierałomu nahi, pačaŭ abražać siamju z maleńkim dziciom. Kali ž jamu zrabili zaŭvahu, jon napaŭ na ludziej: niekalki razoŭ sprabavaŭ udaryć mylicaj mužčynu, a žančynu ŭdaryŭ pa tvary, piša BiełTA.
Fota ilustracyjnaje
Žančyna atrymała ciažkaje cialesnaje paškodžańnie z utvareńniem rubca. Złačyncu zatrymali paciarpieły i vypadkovyja prachožyja, paśla čaho pieradali milicyi.
Vyśvietliłasia, što mužčyna ŭčyniŭ napad padčas adbyvańnia papiaredniaha pakarańnia ŭ vyhladzie abmiežavańnia voli. Z ulikam recydyvu jamu pryznačyli ažno 8 hadoŭ pazbaŭleńnia voli ŭ kałonii strohaha režymu, a taksama prymusovaje lačeńnie ad ałkahalizmu i narkamanii.
Akramia taho, sud abaviazaŭ asudžanaha vypłacić paciarpiełym pa 2 tysiačy rubloŭ u jakaści kampiensacyi maralnaj škody.
Čytajcie taksama:
Žychar Viciebska pabiŭ taksista i atrymaŭ za heta hod chimii