Prapahandystka STB pajšła na žurfak BDU vykładać «prafiesijnaje majsterstva»
Natalla Nadolskaja raspaviadaje pra narodnaje adzinstva, unutranych vorahaŭ dy prablemy «źbiehłych». Ciapier jana budzie vučyć hetamu studentaŭ fakulteta žurnalistyki BDU.
Natalla Nadolskaja. Fota ź jaje instahrama
Na STB Natalla Nadolskaja kiruje dyrekcyjaj śpiecprajektaŭ i viadzie šou «Kropki nad i». Sama jana naradziłasia ŭ rasijskim Archanhielsku, ale skončyła žurfak BDU, a potym i Akademiju kiravańnia.
Viadučaja hanarycca tym, što 25 hadoŭ u jaje pracoŭnaj knižcy byŭ tolki adzin zapis pra miesca pracy — STB. Ale ciapier dadasca i žurfak.
Hetym Nadolskaja pachvaliłasia ŭ instahramie — kaža, što nie moža pavieryć svajmu ščaściu: «Ja pryjechała na žurfak u 1996 hodzie, uvajšła ŭnutr i padumała «Boža, niaŭžo siudy možna pastupić?». Pastupiła, skončyła, 25 hadoŭ pracuju pa prafiesii, siońnia išła pa kalidory kafiedry telebačańnia i radyjoviaščańnia, a mnie kazali: «Dobry dzień, Natalla Mikałajeŭna!».
Viadučaja STB Kaciaryna Zabiańko ŭprošvaje znajomuju pratrymacca na hetym miescy pracy «chacia b hadoŭ 10» — choča pryvieści da jaje vučycca syna.