Прапагандыстка СТБ пайшла на журфак БДУ выкладаць «прафесійнае майстэрства»
Наталля Надольская распавядае пра народнае адзінства, унутраных ворагаў ды праблемы «збеглых». Цяпер яна будзе вучыць гэтаму студэнтаў факультэта журналістыкі БДУ.
Наталля Надольская. Фота з яе інстаграма
На СТБ Наталля Надольская кіруе дырэкцыяй спецпраектаў і вядзе шоу «Кропкі над і». Сама яна нарадзілася ў расійскім Архангельску, але скончыла журфак БДУ, а потым і Акадэмію кіравання.
Вядучая ганарыцца тым, што 25 гадоў у яе працоўнай кніжцы быў толькі адзін запіс пра месца працы — СТБ. Але цяпер дадасца і журфак.
Гэтым Надольская пахвалілася ў інстаграме — кажа, што не можа паверыць свайму шчасцю: «Я прыехала на журфак у 1996 годзе, увайшла ўнутр і падумала «Божа, няўжо сюды можна паступіць?». Паступіла, скончыла, 25 гадоў працую па прафесіі, сёння ішла па калідоры кафедры тэлебачання і радыёвяшчання, а мне казалі: «Добры дзень, Наталля Мікалаеўна!».
Вядучая СТБ Кацярына Забянько ўпрошвае знаёмую пратрымацца на гэтым месцы працы «хаця б гадоў 10» — хоча прывесці да яе вучыцца сына.
Чытайце таксама:
Як склаўся лёс выпускнікоў, якімі журфак ганарыўся 10 гадоў таму? Гісторыя аднаго ўрачыстага калажа