Z sakavika Polšča admoviła ŭ mižnarodnaj abaronie amal tysiačy inšaziemcaŭ
Z sakavika 2025 hoda ŭ Polščy amal tysiača inšaziemcaŭ atrymała admoŭnyja rašeńni pa pytańniach mižnarodnaj abarony. Pieravažna heta hramadzianie Ukrainy, piša Most.
Fota: Most
Ukraincy źjaŭlajucca najbujniejšaj hrupaj prośbitaŭ abarony ŭ Polščy. Jany spasyłajucca na vajnu i mahčymuju mabilizacyju, adnak polskaje Upraŭleńnie pa spravach inšaziemcaŭ adznačaje, što strach pierad mabilizacyjaj nie źjaŭlajecca padstavaj dla mižnarodnaj abarony.
U pieršyja šeść miesiacaŭ 2025 hoda admovy atrymali 500 ukraincaŭ, 130 rasijan i 70 biełarusaŭ. Administracyja padkreślivaje, što ŭsie spravy aceńvajucca indyvidualna, ale kolkaść admoŭ, vierahodna, budzie raści.
Niadaŭniaje vieta prezidenta Polščy Karala Naŭrockaha na zakon ab dapamozie hramadzianam Ukrainy nie pazbaŭlaje ich prava znachodzicca ŭ Polščy lehalna, bo dziejničaje rašeńnie Rady ES ab časovaj abaronie ŭciekačoŭ ad vajny da 4 sakavika 2027 hoda.
Čytajcie taksama:
U Polščy zatrymlivajuć biełarusaŭ, jakija skarystalisia z «iłžyvaha tranzitu»
U Polščy skasoŭvajuć terminy razhladu zajaŭ na mižnarodnuju abaronu