Vital Lisakovič staŭ futbalistam słavienskaha «Cele»

27-hadovy biełaruski futbalist pierajšoŭ u słavienski kłub «Cele» z adnajmiennaha horada na pravach svabodnaha ahienta. Pahadnieńnie raźličana da kanca 2026 hoda, piša «Trybuna».

Vital Lisakovič

U trenierskim štabie hetaha kłuba pracuje biełarus Ivan Majeŭski.

Paśla 7 turaŭ «Cele» zajmaje pieršaje miesca ŭ čempijanacie, majučy ŭ aktyvie 21 bał. Taksama sioleta słaviency buduć vystupać u Lizie kanfierencyj.

Hulec nacyjanalnaj zbornaj Biełarusi pa futbole Vital Lisakovič pačynaŭ svaju karjeru ŭ salihorskim «Šachciory», paśla ŭ 2018-2019 hadach hulaŭ u niekalkich charvackich kłubach, z 2020 hoda — u Rasii. Apošni kłub, za jaki jon hulaŭ pierad pierachodam u «Cele» — kalininhradskaja «Bałtyka».

Kamientary da artykuła