U Jeŭrakamisii raskazali, kali čakajecca novaje pašyreńnie Jeŭrasajuza

Čarnahoryja moža stać 28-m členam ES u 2028 hodzie, a Ałbanija — krychu paźniej, ale jašče pry kadencyi ciapierašniaj Jeŭrakamisii. Pra heta paviedamiła jeŭrakamisarka pa pytańniach pašyreńnia Marta Kos na pres-kanfierencyi ŭ Kapienhahienie, piša «Jeŭrapiejskaja praŭda».

Horad Civat u Čarnahoryi. Fota: AP / Risto Bozovic

Čarnahoryja adkryła ŭsie kłastary pieramoŭ, i technična jany mohuć skončycca da kanca nastupnaha hoda; z ulikam raściahvańnia ratyfikacyi pahadnieńniaŭ na 1—2 hady ŭsia pracedura dazvolić krainie ŭstupić u ES u 2028 hodzie.

Ałbanii zastajecca adkryć jašče dva kłastary, a kali ŭsio ź imi pojdzie pa płanie, to pieramovy mohuć być zavieršanyja da kanca 2027 hoda, što dazvolić krainie stać členam ES jašče pry ciapierašniaj Jeŭrakamisii.

Pavodle apytańniaŭ, pašyreńnie ES ciapier padtrymlivajuć 56% hramadzian Jeŭrasajuza. Marta Kos taksama adznačyła, što na niefarmalnaj sustrečy ministraŭ u Kapienhahienie abmiarkoŭvali šlachi prasoŭvańnia pieramoŭ, niahledziačy na dvuchbakovyja zaniepakojenaści niekatorych krain.

Kamientary da artykuła