Si Czińpin nie staŭ čakać Pucina, jaki spaźniŭsia na fatahrafavańnie
Kiraŭnik Kitaja Si Czińpin admoviŭsia čakać prezidenta Rasii Uładzimira Pucina dziela ahulnaha fota paśla samitu ŠAS u kitajskim Ciańczini.
Uładzimir Pucin i Si Czińpin. Fota: Contributor/Getty Images
Pavodle paviedamlańnia karespandenta vydańnia «Kommiersant» Andreja Kaleśnikava, Pucin spaźniŭsia na cyrymoniju fatahrafavańnia paśla sustrečy ŭ farmacie «ŠAS plus», dzie sabralisia bolš za 20 lidaraŭ. U hety čas jon byŭ zaniaty pieramovami z prezidentam Turcyi Redžepam Taipam Erdahanam. Kitajski bok pačakaŭ kala 15 chvilin, paśla čaho Si Czińpin admianiŭ fatahrafavańnie.
Spaźnieńni Pucina nie redkaść: jon prymušaŭ čakać šmatlikich suśvietnych lidaraŭ — ad Anhieły Mierkiel i karalevy Lizaviety II da papy Rymskaha Franciška. U 2018 hodzie jon spaźniŭsia na sustreču z Donaldam Trampam, ale tady sam Tramp pryjšoŭ jašče paźniej. A na apošnim samicie ŭ Ankorydžy 15 žniŭnia 2025 hoda ŭžo Trampu daviałosia paŭhadziny čakać u samalocie, pakul nie pryziamliŭsia Pucin.
Čytajcie taksama:
Alaksandr Vučyč vyklučyŭ Biełaruś sa składu Jeŭropy
Pucin sustreŭsia ŭ Piekinie z premjeram Słavakii Ficam
Kim Čen Yn vybraŭsia ŭ Piekin na braniravanym ciahniku
Što za hatel, u jakim spyniaŭsia Pucin u Kitai i kudy zaprašaŭ Łukašenku