Biełarus padličyŭ, kolki razoŭ pa novych PDR jamu treba śpiešvacca pry pajezdcy rovaram na pracu
Z 1 vieraśnia 2025 hoda ŭ Biełarusi pačali dziejničać novyja praviły darožnaha ruchu: viełasipiedystam bolš nie dazvalajecca pierajazdžać piešachodnyja pierachody, treba kožny raz śpiešvacca i prachodzić ich nahami. Adzin ź minčukoŭ vyrašyŭ pravieryć, jak heta adabjecca na jahonych pajezdkach na pracu.
Skrynšot ź videa
Mužčyna źniaŭ videa, u jakim pakazaŭ usie pierachody pa šlachu. Daŭžynia jaho maršrutu — 19 km, i za hety adrezak jamu daviałosia złazić z rovara 53 razy. Adpaviedna, kali brać darohu tudy i nazad, to vymušanych spynieńniaŭ atrymlivajecca bolš za sotniu štodnia.
Pavodle słoŭ minčuka, raniej jon prajazdžaŭ hety maršrut za 65—70 chvilin. Novy čas jon nie vymiaraŭ, ale miarkuje, što daroha ŭ adzin bok stanie daŭžejšaj na 10—15 chvilin. Pry hetym bolš za ŭsio razdražniaje nie strata času jak takaja, a sam rytm pajezdki: tolki pajechaŭ — treba złazić, znoŭ pajechaŭ — praz chvilinu znoŭ spyniacca. U takich umovach źjaŭlajucca dumki admovicca ad rovara ŭvohule.
Čytajcie taksama:
Biełaruskich paštaljonaŭ pačali pierasadžvać na elektrarovary
Minčukoŭ prosiać nie pakidać rovary ŭ pierachodach stancyj mietro — inačaj buduć nastupstvy