Prablemy z PayPal u Biełarusi mohuć być jašče ceły miesiac
Čakany termin vyrašeńnia prablemy — 6 kastryčnika 2025 hoda.
Fota ilustracyjnaje
Prablemy z PayPal u Biełarusi pačalisia ŭ 20-ch čysłach žniŭnia. Było niemahčyma pryviazać bankaŭskija karty da akaŭntaŭ, nie prachodzili tranzakcyi pry sprobie apłaty.
U bankach kazali, što ź ich boku pieraškod niama, prablema na baku servisu.
Dahetul situacyja z płaciažami i pakupkami praz PayPal nie vyrašyłasia.
U słužbie padtrymki PayPal kažuć, što prablema ŭžo znachodzicca na razhladzie techničnaha adździeła, paviedamlaje «Anłajnier».
Pavodle infarmacyi padtrymki, čakany termin vyrašeńnia prablemy — 6 kastryčnika 2025 hoda.
Da hetaha momantu karystalnikam rekamiendujuć časova skarystacca alternatyŭnymi sposabami apłaty.