Праблемы з PayPal у Беларусі могуць быць яшчэ цэлы месяц
Чаканы тэрмін вырашэння праблемы — 6 кастрычніка 2025 года.
Фота ілюстрацыйнае
Праблемы з PayPal у Беларусі пачаліся ў 20-х чыслах жніўня. Было немагчыма прывязаць банкаўскія карты да акаўнтаў, не праходзілі транзакцыі пры спробе аплаты.
У банках казалі, што з іх боку перашкод няма, праблема на баку сэрвісу.
Дагэтуль сітуацыя з плацяжамі і пакупкамі праз PayPal не вырашылася.
У службе падтрымкі PayPal кажуць, што праблема ўжо знаходзіцца на разглядзе тэхнічнага аддзела, паведамляе «Анлайнер».
Паводле інфармацыі падтрымкі, чаканы тэрмін вырашэння праблемы — 6 кастрычніка 2025 года.
Да гэтага моманту карыстальнікам рэкамендуюць часова скарыстацца альтэрнатыўнымі спосабамі аплаты.