Napiaredadni 1 vieraśnia biełaruska sprabavała zarabić na šakaładkach z cytatami Łukašenki

Kamientatary žartujuć: takaja abhortka — nadziejny sposab prymusić čałavieka admovicca ad sałodkaha.

Skrynšot videa ŭ tyktoku

Žančyna, padpisanaja ŭ tyktoku jak Nadzieja Aŭhuć, zvyčajna vyrablaje nievialikija padarunački dla haściej na viasielli — šakaładki z partretami maładzionaŭ ci mahniciki ź imi.

Ale napiaredadni Dnia viedaŭ jana vyrašyła prademanstravać jašče adzin varyjant — «šakaład dla mierapryjemstvaŭ u škole». Jana demanstruje na videa ŭ tyktoku maleńkija šakaładki. Z adnaho boku na abhortcy karta Biełarusi ŭ kolerach aficyjnaha ściaha i cytata Łukašenki: «Patryjota moža vychavać tolki patryjot». Ź inšaha paznačana škoła, dla jakoj, imavierna, tyja prysmaki zamovili — heta Sienickaja škoła imia Janki Kupały.

@user2119734569951 Šokoład dla mieroprijatija v škole . #biełaruś #škoła #mieroprijatije #minsk ♬ צליל מקורי - myassar.nails

Siarod kamientataraŭ ideja niašmat kamu spadabałasia: «Kali dziaciej treba vučyć lubić radzimu, značyć, radzima nie lubić dziaciej». Niechta aburaŭsia, što dla škoły, jakaja nosić imia Janki Kupały, nie znajšli navat vierša paeta.

Vyklikała niezadavolenaść i toje, što pra patryjatyzm biełarusam kažuć pa-rusku.

Byŭ i sumny biełaruski humar: «U mianie pytańnie, ci nie budzie kryminalnaj adkaznaści, kali vykinuć abhortku ŭ śmietnicu? Dziaržaŭnyja simvały, cytata hałoŭnakamandujučaha, niejak bojazna…»

Kaštujuć takija maleńkija šakaładki ŭ žančyny pa 80 kapiejek za štuku.

Nahadajem: sioleta na adzinym uroku 1 vieraśnia školniki buduć słuchać cytaty Łukašenki i pisać list pijanieram 2075 hoda.

Kamientary da artykuła