Mierc: My ŭžo znachodzimsia ŭ kanflikcie z Rasijaj, Pucin lezie ŭsiudy
Fiederalny kancler Hiermanii Frydrych Mierc zajaviŭ, što Rasija viadzie sistemnyja ataki suprać niamieckaj infrastruktury i sprabuje destabilizavać krainu, vykarystoŭvajučy infarmacyjny ŭpłyŭ i kibierataki. Pra heta palityk zajaviŭ u intervju francuzskamu telekanału LCI paśla sustrečy z prezidentam Francyi Emanuelem Makronam u Tułonie.
Frydrych Mierc. Fota: Emmanuele Contini/NurPhoto via Getty Images
Frydrych Mierc adznačyŭ, što rasijskija ŭłady štodnia atakujuć infrastrukturu Hiermanii i sprabujuć upłyvać na hramadskuju dumku, u pryvatnaści praz sacyjalnyja sietki.
«Pucin destabilizuje bolšuju častku našaj krainy. Jon ŭmiešvajecca ŭsiudy. Takim čynam, my ŭžo znachodzimsia ŭ kanflikcie z Rasijaj», — padkreśliŭ kiraŭnik niamieckaha ŭrada.
Pa jahonych słovach, prezident Rasii Uładzimir Pucin nie adčuvaje pahrozy z boku NATA i tamu atakuje zachodnija demakratyi. Jon padkreśliŭ, što rasijskaja ahresija vychodzić za miežy terytaryjalnych pretenzij.
«Pucin bolš nie pavažaje nijakija mižnarodnyja damoŭlenaści. U hety novy pieryjad, u hetym novym śviecie my sutykajemsia z kiraŭnikami dziaržaŭ, jakija bolš nie hatovyja prymać ahulnyja praviły mižnarodnaha prava. Heta nie tolki Pucin. Toje ž samaje tyčycca Si Czińpina ŭ Kitai. Toje ž samaje z Paŭnočnaj Karejaj», — adznačyŭ Mierc.
Čytajcie taksama:
U ZŠA i Hiermanii kanstatavali, što pieramoŭ pamiž Rasijaj i Ukrainaj najbližejšym časam nie budzie
Mierc: Dziaržava ŭsieahulnaha dabrabytu finansava niežyćciazdolnaja
Ultrapravyja ŭ Hiermanii apiaredzili błok Mierca pa papularnaści
Mierc zmoh pierakanać Trampa pry dapamozie «dypłamatyi čekavych knižak»
U Hiermanii rychtujuć skaračeńni sacyjalnych vypłat: biespracoŭnyja žyvuć lepš za tych, chto pracuje