Pry Łatušku kruhłasutačna znachodzicca pryłada, jakaja moža vyličyć jaho miescaznachodžańnie z dakładnaściu da mietra
Sihnał z hetaj pryłady kožnyja 30 siekund pieradajecca asobie, adkaznaj u polskich pravaachoŭnych orhanach za biaśpieku Łatuški.
Pavieł Łatuška. Fota: Ofis Śviatłany Cichanoŭskaj.
Juryst Michaił Kiryluk adreahavaŭ na situacyju z Paŭłam Łatuškam i Volhaj Karpušonak.
«Pry Paŭłu Łatušku 24/7 znachodzicca pryłada, jakaja vyznačaje jaho miescaznachodžańnie z dakładnaściu da mietra. Takaja miera ŭviedziena polskimi ŭładami z-za pastajannych pahroz žyćciu, jakija razhladajucca jak realnyja. Sihnał z hetaj pryłady kožnyja 30 siekund pieradajecca asobie, adkaznaj u pravaachoŭnych orhanach za harantavańnie biaśpieki Łatuški» — napisaŭ Michaił Kiryluk, zaklikaŭšy Volhu Karpušonak paviedamić, dzie była jaje sustreča z kiraŭnikom NAU.
Nahadajem, što siońnia delehatka Kaardynacyjnaj rady Volha Karpušonak abvinavaciła Paŭła Łatušku ŭ charasmiencie, zajaviŭšy, što toj jaje zaprašaŭ u restaran. Palityk kateharyčna abviarhaje abvinavačvańni.