Пры Латушку кругласутачна знаходзіцца прылада, якая можа вылічыць яго месцазнаходжанне з дакладнасцю да метра
Сігнал з гэтай прылады кожныя 30 секунд перадаецца асобе, адказнай у польскіх праваахоўных органах за бяспеку Латушкі.
Павел Латушка. Фота: Офіс Святланы Ціханоўскай.
Юрыст Міхаіл Кірылюк адрэагаваў на сітуацыю з Паўлам Латушкам і Вольгай Карпушонак.
«Пры Паўлу Латушку 24/7 знаходзіцца прылада, якая вызначае яго месцазнаходжанне з дакладнасцю да метра. Такая мера ўведзена польскімі ўладамі з-за пастаянных пагроз жыццю, якія разглядаюцца як рэальныя. Сігнал з гэтай прылады кожныя 30 секунд перадаецца асобе, адказнай у праваахоўных органах за гарантаванне бяспекі Латушкі» — напісаў Міхаіл Кірылюк, заклікаўшы Вольгу Карпушонак паведаміць, дзе была яе сустрэча з кіраўніком НАУ.
Нагадаем, што сёння дэлегатка Каардынацыйнай рады Вольга Карпушонак абвінаваціла Паўла Латушку ў харасменце, заявіўшы, што той яе запрашаў у рэстаран. Палітык катэгарычна абвяргае абвінавачванні.