BIEŁ Ł RUS

Palicyja Stambuła patłumačyła, čamu pakul nie šukaje Kotava

29.08.2025 / 15:17

Nashaniva.com

Stambulskaje biuro Deutsche Welle źviarnułasia ŭ tureckuju palicyju pa źviestki ab źniknieńni ŭ Turcyi Anatola Kotava.

Anatol Kotaŭ na kanfierencyi ŭ Narviehii ŭ 2024 hodzie. Fota: Thomas Søndergaard/Play the Game

21 žniŭnia Kotaŭ, były biełaruski čynoŭnik, jaki paśla 2020 hoda dałučyŭsia da apazicyi, prylacieŭ u Stambuł i ŭ 12:26 pa polskim časie napisaŭ žoncy, što pryziamliŭsia. Na pytańnie, dzie jon spynicca, Kotaŭ adkazaŭ praź dźvie hadziny — kazaŭ, što napiša, kali budzie viedać. Apošniaje paviedamleńnie ŭ hety dzień jon adpraviŭ u 21:28 pa Varšavie, ale adras hatela jon tak i nie napisaŭ, paviedamlaje Deutsche Welle.

Viadoma, što ŭ toj ža dzień Kotaŭ adpłyŭ z tureckaha Trabzona.

Hetaja pierapiska prykładzienaja da zajavy ab źniknieńni Anatola Kotava, jakuju 25 žniŭnia jaho žonka Anastasija padała ŭ palicyju Stambuła pa elektronnaj pošcie na tureckaj movie.

Pry hetym u adździele pa pošuku źnikłych ludziej palicyi Stambuła na zapyt DW adkazali, što źviestak ab źniknieńni ŭ Turcyi Kotava abo jakoha-niebudź inšaha hramadzianina Biełarusi paśla 21 žniŭnia ŭ ich sistemie niama.

28 žniŭnia žurnalist DW adpraviŭsia ŭ palicejski ŭčastak Stambuła, kab pierapravieryć infarmacyju — tam taksama nie znajšli imia Kotava ŭ sistemie.

Palicyjanty padkreślili, što rasśledavańni takoha rodu zvyčajna nie pačynajucca na padstavie mejła — padavać zajavu ab źniknieńni čałavieka treba asabista.

Čytajcie taksama:

Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia

Źnikły Kotaŭ vyjechaŭ z Turcyi moram — mahčyma, u bok Rasii

Kamientary da artykuła