Tramp zaklikaŭ pryciahnuć da adkaznaści Džordža Sorasa
Prezident ZŠA Donald Tramp zaklikaŭ pryciahnuć da adkaznaści 95-hadovaha miljardera i fiłantropa Džordža Sorasa razam ź jahonym synam. Jany nibyta padtrymlivajuć hvałtoŭnyja pratesty ŭ Złučanych Štatach, napisaŭ Tramp u svajoj sacyjalnaj sietcy Truth Social.
Džordž Soras. Fota: AP Photo/Ronald Zak
Donald Tramp abvinavaciŭ Džordža Sorasa i jahonaha syna ŭ tym, što jany spryjajuć chaosu ŭ krainie i «nanosiać vialikuju škodu Amierycy». Taksama Tramp zajaviŭ, što ŭłady sočać za imi i papiaredziŭ, kab jany byli aściarožnymi.
Miljarder Džordž Soras, jaki pachodzić ź Vienhryi, viadomy tym, što na praciahu dziesiacihodździaŭ finansuje roznyja arhanizacyi, jakija padtrymlivajuć ideju adkrytaha hramadstva. Jon nieadnarazova vystupaŭ z krytykaj Trampa. U 2023 hodzie Soras pieradaŭ kiravańnie svajoj finansavaj impieryjaj synu Alaksandru.
Čytajcie taksama:
Tramp pierakanaŭ Orbana nie pieraškadžać ustupleńniu Ukrainy ŭ JeC
U Trampa źbirajucca ŭrehulavać rasijska-ŭkrainski kanflikt da kanca hoda
Tramp pra Rasiju i Ukrainu: Niavažna, što jany havorać. Usie zajmajucca paziorstvam
Tramp zajaviŭ, što abmiarkoŭvaŭ z Pucinym jadziernaje razzbrajeńnie