BIEŁ Ł RUS

U amierykanskim Minieapalisie adbyłasia stralanina ŭ katalickaj škole

27.08.2025 / 18:35

Nashaniva.com

U amierykanskim štacie Minieapalis adbyłasia stralanina ŭ katalickaj škole. Pavodle pieršapačatkovaj infarmacyi, jak minimum try čałavieki, uklučajučy strałka, zahinuli. Nieviadomy adkryŭ ahoń ranicaj, kali baćki pryvodzili dziaciej na zaniatki, paviedamlaje Reuters.

Fota: AP Photo/Bruce Kluckhohn

Miascovaja palicyja paviedamiła, što napadnik «niejtralizavany» i pahrozy bolš niama. Pavodle paviedamleńniaŭ ŚMI z spasyłkaj na krynicy, strałok moh skončyć žyćcio samahubstvam, ale aficyjnaha paćviardžeńnia pakul niama.

Akramia troch zahinułych, paviedamlajecca jašče pra jak minimum 20 paranienych.

U škole Dabravieščańnia vučacca dzieci małodšaha ŭzrostu, da 14 hadoŭ. Prezident ZŠA Donald Tramp byŭ prainfarmavany pra trahiedyju. 

Čytajcie taksama:

Stralba ŭ chmaračosie na Manchetanie: zabityja čatyry čałavieki, strałok zastreliŭsia

U ZŠA padčas tušeńnia lasnoha pažaru snajpier zastreliŭ dvuch pažarnych

Stralba adbyłasia ŭ škole ŭ aŭstryjskim Hracy: 11 zahinułych

Kamientary da artykuła