Ahient Dudkin raskazaŭ, jakija ahienty samyja niebiaśpiečnyja. Spojler: nie jon

Były lidar BCHD Jaŭhien Dudkin, jaki pryznaŭsia ŭ supracoŭnictvie z KDB, u fejsbuku napisaŭ, što biełarusy «bolš vydumvajuć pra słužby, čym jano jość na samaj spravie», a taksama parazvažaŭ, jakija ahienty samyja niebiaśpiečnyja. 

Jaŭhien Dudkin. Fota: jaho fejsbuk

Jaŭhien Dudkin, raskryty ahient KDB z asiarodździa Biełaruskaj chryścijanskaj demakratyi, pryjšoŭ u kamientary da pasta ŭ fejsbuku byłoj palitźniavolenaj Iryny Ščasnaj i parazvažaŭ na temu, u jakoj maje dośvied. 

Iryna Ščasnaja napisała, što «niejkaja asoba pa proźviščy Višniak pačała ŭžo ŭ publičnych supołkach vinavacić» jaje ŭ supracoŭnictvie z orhanami. Ščasnaja davodzić, što nasamreč była sproba zadziejničać jaje jak ahienta, vykarystoŭvali navat cisk na jaje blizkich, ale jaje nie złamali.

Jaŭhien Dudkin pasprabavaŭ supakoić Ščasnuju:

«Nie biarycie da hałavy! Z maich nazirańniaŭ, biełarusy bolš vydumvajuć pra słužby, čym jano jość na samaj spravie, a taho, što treba, nie bačać», — davodzić jon. 

«Samyja niebiaśpiečnyja ahienty, heta tyja, jakija ža ŭ 2020 pracavali na režym i praciahvajuć. U vyniku čaho niama ni pieramohi nad režymam, ni realnaj sistemy dapamohi ludziam na emihracyi. Pa pładach paznajecie», — rasstaviŭ akcenty Dudkin. 

Jaŭhien Dudkin — 36-hadovy palityčny dziejač u emihracyi. Ź Biełarusi jon, nastaŭnik pa adukacyi i rehijanalny aktyvist pa žyćci, źjechaŭ jašče ŭ 2018-m, asieŭ u Polščy jak ekanamičny mihrant. Apošnim časam jon źjaŭlaŭsia kiraŭnikom fondu «Biełaruskaja chryścijanskaja demakratyja» (Białoruska Chrześcijańska Demokracja.

Kamientary da artykuła