U Hamburhu zatrymali biełarusa z marychuanaj i kakainam
U Hamburhu palicyja zatrymała 28-hadovaha biełarusa, u jakoha znajšli bujnuju partyju narkotykaŭ. Pry im było kala 19 kiłahramaŭ marychuany i paŭkiłahrama kakainu, paviedamlaje sajt «Biełaruś i mir».
Fota: innenministerium.bayern.de
Usio pačałosia ŭviečary 21 žniŭnia, kali palicyjanty zaŭvažyli ŭ rajonie Tandorf šeść maładych mužčyn (19—27 hadoŭ, usie — hramadzianie Hiermanii), pavodziny jakich padalisia padazronymi. Padčas pravierki ŭ ich i ŭ aŭtamabili Škoda znajšli bolš za 15 tysiač jeŭra najaŭnymi, polietylenavyja pakiety i vakuumny ŭpakoŭščyk. U pravaachoŭnikaŭ uźnikła viersija, što heta była sustreča dla ździełki z narkotykami, tamu ŭsich šaściarych papiarednie aryštavali.
Nastupnaje rasśledavańnie pryviało palicyju da kvatery na vulicy Martensaleje. Pobač ź joj zaŭvažyli biełarusa, jaki vynosiŭ dźvie vialikija skrynki. Pry ahladzie ŭsiaredzinie znajšli narkotyki — 19 kiłahramaŭ marychuany i kala 500 hramaŭ kakainu. Jaho taksama zatrymali, a pry pieratrusie ŭ samoj kvatery znajšli dadatkovyja dokazy.
Na nastupny dzień pierad sudom paŭstali dvoje padazronych — 22-hadovy niemiec i biełaruski hramadzianin. Sudździa pakinuŭ niemca pad vartaj, a biełarusa vyzvaliŭ. Astatnich pieciarych zatrymanych paśla pracedur taksama adpuścili. Śledstva praciahvajecca.
Čytajcie taksama:
Na miažy z Polščaj zatrymali aŭstryjca z marychuanaj
Biełaruskija pamiežniki zatrymali mužčynu, jaki jechaŭ ź Litvy razam z samakrutkaj marychuany
Z Polščy departujuć biełarusa, jakoha zatrymali ŭ parku z marychuanaj