U «DNR» zavočna sudziać biełaruskaha dobraachvotnika
Prakuratura samaabvieščanaj «Danieckaj narodnaj respubliki» zaćvierdziła i pieradała ŭ sud kryminalnuju spravu suprać 42-hadovaha biełarusa Alaksandra Šaronava, paviedamlajecca na miascovym resursie «Błoknot Donieck». Jaho abvinavačvajuć u tym, što jon udzielničaŭ u bajavych dziejańniach na baku Uzbrojenych sił Ukrainy suprać rasijskich vajskoŭcaŭ.
Fota ilustracyjnaje
Śledstva śćviardžaje, što viasnoj 2022 hoda Šaronaŭ praz Polšču trapiŭ va Ukrainu, dobraachvotna dałučyŭsia da ŭkrainskaj armii i vajavaŭ u joj da samaj viasny 2025 hoda. Za heta jon nibyta atrymaŭ sumu, ekvivalentnuju kala troch miljonaŭ rasijskich rubloŭ (kala 37,2 tysiač dalaraŭ).
Šaronava ciapier abviaścili ŭ mižnarodny vyšuk i zavočna aryštavali. Jahonuju spravu pieradali ŭ «Viarchoŭny sud DNR».
Čytajcie taksama:
Biełaruski dobraachvotnik nie moža zvolnicca z USU praz pamyłkova składzieny kantrakt
Połk Kalinoŭskaha bolš nie biare ŭdziełu ŭ šturmach. Čamu tak?