Z rasijskaha pałonu viarnuli eks-mera Chiersona, vykradzienaha rasijanami ŭ pačatku vajny
24 žniŭnia padčas abmienu pałonnymi byŭ vyzvaleny były mer Chiersona Uładzimir Mikałajenka. Heta paćvierdziła jaho plamieńnica Hanna Koršun-Samčuk, paviedamlaje «Suśpilnie».
Uładzimir Mikałajenka
Pavodle słoŭ svajački eks-mera, siamja ŭspryniała hetuju navinu jak sapraŭdnaje śviata i najlepšy padarunak da dnia naradžeńnia maci Uładzimira Mikałajenki.
Sam jon užo źviazaŭsia z žonkaj i pieršymi jaho słovami byli «Słava Ukrainie». Svajaki čakajuć mahčymaści pahavaryć ź im niepasredna.
Uładzimira Mikałajenku vykrali rasijskija vajskoŭcy 18 krasavika 2022 hoda paśla pahroz z boku miascovych kałabarantaŭ. Doŭhi čas pra jaho miescaznachodžańnie ničoha nie było viadoma, pakul Mižnarodny kamitet Čyrvonaha Kryža nie paćvierdziŭ, što jon znachodzicca ŭ pałonie.
Uładzimir Mikałajenka kiravaŭ Chiersonam z 2014 da 2020 hoda i byŭ udzielnikam miascovaha Jeŭramajdanu.
Čytajcie taksama:
Mer Chiersona stroha adkazaŭ na słovy Pucina pra «spradviečna ruskija ziemli»
146 na 146. Ukraina i Rasija praviali novy abmien vajennapałonnymi