Biełaruś i Pakistan padpišuć miemarandum ab pracaŭładkavańni
Biełaruś i Pakistan rychtujucca padpisać miemarandum ab supracoŭnictvie ŭ śfiery pracy i pracaŭładkavańnia. Prajekt dakumienta zaćvierdžany ŭkazam Łukašenki №314 ad 22 žniŭnia.
Archiŭnaje fota: mihranty ŭ Nacyjanalnym aeraporcie Minsk, 2021 hod. AP Photo/Hussein Ibrahim
«Uchvalić prajekt Miemaranduma ab uzajemarazumieńni pamiž Uradam Respubliki Biełaruś i Uradam Isłamskaj Respubliki Pakistan pa supracoŭnictvie ŭ śfiery pracy i pracaŭładkavańnia ŭ jakaści asnovy dla praviadzieńnia pieramoŭ», — havorycca va ŭkazie.
Pavodle ŭkaza, Ministerstva ŭnutranych spraŭ atrymała paŭnamoctvy vieści pieramovy i padpisać pahadnieńnie.
Jašče ŭ krasaviku, padčas vizitu ŭ Minsk premjer-ministra Pakistana Šachbaza Šaryfa, Alaksandr Łukašenka adznačaŭ, što Biełaruś hatovaja pryniać da 150 tysiač pakistanskich pracoŭnych mihrantaŭ. Tady ž baki damovilisia vypracavać kankretny miechanizm dla ich pryjezdu i pracy ŭ krainie. Hetyja namiery vyklikali ŭ biełaruskim hramadstvie zaniepakojenaść i burnyja abmierkavańni na roznych płatformach.
Čytajcie taksama:
U situacyi z pakistancami ŭłady stali zakładnikami svajoj ža prapahandy i svaich ideałahiem
Łukašenka apraŭdvajecca za ideju z pryjezdam 150 tysiač pakistancaŭ — heta, kab «zachavać naš narod»
«Čym pakistancy ŭ Biełarusi adroźnivajucca ad biełarusaŭ u Polščy?»