Беларусь і Пакістан падпішуць мемарандум аб працаўладкаванні
Беларусь і Пакістан рыхтуюцца падпісаць мемарандум аб супрацоўніцтве ў сферы працы і працаўладкавання. Праект дакумента зацверджаны ўказам Лукашэнкі №314 ад 22 жніўня.
Архіўнае фота: мігранты ў Нацыянальным аэрапорце Мінск, 2021 год. AP Photo/Hussein Ibrahim
«Ухваліць праект Мемарандума аб узаемаразуменні паміж Урадам Рэспублікі Беларусь і Урадам Ісламскай Рэспублікі Пакістан па супрацоўніцтве ў сферы працы і працаўладкавання ў якасці асновы для правядзення перамоў», — гаворыцца ва ўказе.
Паводле ўказа, Міністэрства ўнутраных спраў атрымала паўнамоцтвы весці перамовы і падпісаць пагадненне.
Яшчэ ў красавіку, падчас візіту ў Мінск прэм’ер-міністра Пакістана Шахбаза Шарыфа, Аляксандр Лукашэнка адзначаў, што Беларусь гатовая прыняць да 150 тысяч пакістанскіх працоўных мігрантаў. Тады ж бакі дамовіліся выпрацаваць канкрэтны механізм для іх прыезду і працы ў краіне. Гэтыя намеры выклікалі ў беларускім грамадстве занепакоенасць і бурныя абмеркаванні на розных платформах.
Чытайце таксама:
У сітуацыі з пакістанцамі ўлады сталі закладнікамі сваёй жа прапаганды і сваіх ідэалагем
Лукашэнка апраўдваецца за ідэю з прыездам 150 тысяч пакістанцаў — гэта, каб «захаваць наш народ»
«Чым пакістанцы ў Беларусі адрозніваюцца ад беларусаў у Польшчы?»