Cimanoŭskaja stała čempijonkaj Polščy
Biahucha Kryścina Cimanoŭskaja stała čempijonkaj Polščy pa biehu na 100 mietraŭ. Heta jaje pieršy załaty miedal na respublikanskich spabornictvach Polščy.
Fota: instahram Cimanoŭskaj
Čempijanat Polščy pa lohkaj atletycy prachodziŭ u horadzie Bydhašč. Cimanoŭskaja adoleła stomietroŭku za 11,38 siekundy. Bližejšuju supiernicu jana abyšła na 0,06 siekundy.
Topavaja spryntarka Eva Svaboda, jakaja raniej vyjhravała čempijanaty Polščy, nie ŭdzielničała ŭ zabiehu praz traŭmu.
Cimanoŭskaja pakinuła Biełaruś paśla skandału na Alimpijadzie ŭ Tokia ŭ 2021 hodzie. Jana pierabrałasia ŭ Polšču i źmianiła spartyŭnaje hramadzianstva, kab vystupać za hetu krainu.
Čytajcie taksama:
Cimanoŭskaja pra muža ŭ Biełarusi: Nie, ja nie budu siabie vinavacić, kali jaho pasadziać