Ціманоўская стала чэмпіёнкай Польшчы
Бягуха Крысціна Ціманоўская стала чэмпіёнкай Польшчы па бегу на 100 метраў. Гэта яе першы залаты медаль на рэспубліканскіх спаборніцтвах Польшчы.
Фота: інстаграм Ціманоўскай
Чэмпіянат Польшчы па лёгкай атлетыцы праходзіў у горадзе Быдгашч. Ціманоўская адолела стометроўку за 11,38 секунды. Бліжэйшую суперніцу яна абышла на 0,06 секунды.
Топавая спрынтарка Эва Свабода, якая раней выйгравала чэмпіянаты Польшчы, не ўдзельнічала ў забегу праз траўму.
Ціманоўская пакінула Беларусь пасля скандалу на Алімпіядзе ў Токіа ў 2021 годзе. Яна перабралася ў Польшчу і змяніла спартыўнае грамадзянства, каб выступаць за гэту краіну.
Чытайце таксама:
Ціманоўская пра мужа ў Беларусі: Не, я не буду сябе вінаваціць, калі яго пасадзяць
Былы муж Ціманоўскай расказаў, што вярнуўся ў Беларусь яшчэ да выбараў і прагаласаваў за Лукашэнку