U kamiteta pa zdaroŭi Minska źjaviŭsia novy kiraŭnik. Papiaredniaha zatrymali, ale ŭłady pra heta maŭčać
Ihara Jurkieviča zamianiŭ były pieršy namieśnik ministra achovy zdaroŭja Juryj Horbič. Ale pra zvalnieńnie papiaredniaha kiraŭnika kamiteta aficyjna nie paviedamlałasia. Jon nibyta rastvaryŭsia.
Juryj Horbič. Fota: «Minsk-Naviny»
Były pieršy namieśnik ministra achovy zdaroŭja Juryj Horbič uznačaliŭ kamitet pa achovie zdaroŭja Minharvykankama. Siońnia jaho pradstavili rabotnikam kamiteta.
Cikava, što ŭ paviedamleńni «Minsk-Naviny» pra pryznačeńnie Horbiča niama ni słova pra jahonaha papiarednika Ihara Jurkieviča, pra zvalnieńnie jakoha nichto nie paviedamlaŭ. U artykule ŭvohule niama infarmacyi pra toje, chto ŭznačalvaŭ kamitet pierad Horbičam. Jość tolki aktyŭnaja spasyłka na staruju navinu pra pryznačeńnie Jurkieviča kiraŭnikom kamiteta.
«Naša Niva» pisała, što Jurkieviča zatrymali ŭ kancy maja. Jaho aryštavali pry atrymańni chabaru i adpravili ŭ SIZA. Pry hetym ni siłaviki, ni čynoŭniki pra spravu suprać vysokapastaŭlenaha čynoŭnika nie paviedamlali.
Ihar Jurkievič. Fota: Minsknews.by
Jurkievič ličyŭsia pierśpiektyŭnym čynoŭnikam, mnohija ŭ halinie bačyli jaho budučym ministram achovy zdaroŭja. Ale karjerny ŭźlot pierapyniła sakretnaja karupcyjnaja sprava.
Čytajcie taksama:
Aryštavany čynoŭnik, jaki moh stać nastupnym ministram achovy zdaroŭja