U Hrodnie žyvuju tranślacyju matča «Niomana» z «Raja Valjekana» pakažuć na hałoŭnaj płoščy

Na viečar 21 žniŭnia na Savieckaj płoščy Hrodna zapłanavanaja žyvaja tranślacyja pieršaha matča miascovaha futbolnaha kłuba «Nioman» u płej-of Lihi kanfierencyj UEFA. Hrodziency vyjduć na pole suprać ispanskaha kłuba «Raja Valjekana».

Žyvaja tranślacyja matču na vialikim ekranie pačniecca pad adkrytym niebam na Savieckaj płoščy ŭ 21:00.

Kulturnaja prahrama budzie iści ŭžo z 19:00 (roznyja aktyŭnaści, konkursy z padarunkami, vialikaja zona fudkorta i muzyčnaja prahrama).

Hrodzienski «Nioman» trapiŭ u płej-of Lihi kanfierencyj UEFA paśla taho, jak u trecim raŭndzie hetaha turniru pieramoh pa sumie dvuch matčaŭ «Kłakśvik» z Farerskich astravoŭ. Heta apošni biełaruski futbolny kłub, jaki jašče praciahvaje baraćbu ŭ sioletnich jeŭrakubkach.

Kamientary da artykuła