Nobieleŭskija łaŭreaty paprasili Trampa damahčysia vyzvaleńnia biełaruskich palitviaźniaŭ

Dvaccać dva nobieleŭskija łaŭreaty padpisali adkryty zvarot da prezidenta ZŠA Donalda Trampa z prośbaj damahčysia vyzvaleńnia kala 1300 biełaruskich palitviaźniaŭ.

Donald Tramp. Fota: Joe Raedle / Getty Images

Siarod padpisantaŭ — biełaruskaja piśmieńnica Śviatłana Aleksijevič, niamieckaja piśmieńnica Hierta Miuler, rasijski žurnalist Dźmitryj Murataŭ, amierykanskaja aktyvistka Džodzi Uiljams, były prezident Kosta-Ryki Oskar Aryjas i siamnaccać navukoŭcaŭ u roznych halinach.

Jany padkreślivajuć, što svaboda dla palitviaźniaŭ adkryje šlach da dyjałohu i prymireńnia ŭ Biełarusi, a taksama zaklikajuć spynić palityčnyja represii i stvaryć umovy dla viartańnia tych, chto vymušany byŭ uciačy za miažu.

U liście nobieleŭskija łaŭreaty dziakujuć Trampu za toje, što jon užo ŭzdymaŭ hetuju temu ŭ razmovie z Łukašenkam, i zaklikali praciahvać cisk dziela vyzvaleńnia ŭsich viaźniaŭ sumleńnia.

Ź siaredziny 2024 hoda ŭ Biełarusi vypuścili niekalki sotniaŭ asudžanych pa palityčnych spravach, ale pieraśled inšadumcaŭ i pratestoŭcaŭ praciahvajecca, niahledziačy na zajavy Łukašenki, što palitviaźniaŭ u krainie nibyta niama.

Kamientary da artykuła