Łukašenka zahadaŭ čynoŭnikam pavyvodzić z hatelaŭ prusakoŭ
Na naradzie z kiraŭnictvam urada 18 žniŭnia Alaksandr Łukašenka adznačyŭ, što turyzm budzie razhladacca jak nacyjanalny prajekt na nastupnuju piacihodku, kab maksimalna vykarystoŭvać ekanamičny patencyjał krainy.
Fota ilustracyjnaje
Łukašenka źviarnuŭ uvahu na toje, što Biełaruś, maŭlaŭ, cikavaja dla turystaŭ, ale siońnia ŭ krainie nie chapaje miescaŭ u hatelach, a najaŭnyja turystyčnyja kampanii całkam zahružanyja. Kab pavialičyć kolkaść turystaŭ, nieabchodna raźvivać infrastrukturu, pavyšać jakaść pasłuh i palapšać umovy pražyvańnia.
«Hruba skažu: kali ŭ hatelach pa ścienkach i pad łožkami buduć poŭzać prusaki, to nijakija turysty siudy nie pajeduć. Uzrovień patrebien taki, kab i biełarusy čaściej vybirali adpačynak na rodnaj ziamli. Ja dumaju, jany i vybirajuć», — zajaviŭ Łukašenka.
Choć mnohija taksama pa-raniejšamu addajuć pieravahu zamiežžu, asabliva krainam z moram i bolš ciopłym klimatam.
Dla palapšeńnia situacyi čynoŭniki prapanavali pieradać funkcyi rehulatara ŭ turystyčnaj śfiery ad Ministerstva sportu Nacyjanalnamu ahienctvu pa turyźmie, a apošniaje padparadkavać uradu. Ale jon pastaviŭ pad sumnieŭ zroblenuju prapanovu.
Čytajcie taksama:
Funkcyi rehulatara ŭ turśfiery prapanujuć pieradać ad Minsportu Nacyjanalnamu ahienctvu pa turyźmie
«Biełaruskim Maldyvam» pad Vaŭkavyskam mohuć dać achoŭny status
U jakija krainy dla biełarusaŭ najbolš darahija turystyčnyja vizy? Lidar niečakany