Mierc raskazaŭ pra «vialiki prahres» paśla sustrečy Trampa i Pucina
Fiederalny kancler Hiermanii Frydrych Mierc nazvaŭ hatoŭnaść ZŠA dałučycca da harantyj biaśpieki dla Ukrainy «vialikim prahresam» pa vynikach sustrečy amierykanskaha prezidenta Donalda Trampa z prezidentam Rasii Uładzimiram Pucinym, piša «Jeŭrapiejskaja praŭda».
Frydrych Mierc. Fota: Omer Messinger/Getty Images
Pa słovach kiraŭnika niamieckaha ŭrada, jon bačyć mahčymaści dla pośpiechu samitu pamiž Trampam i Pucinym na Alascy. Mierc adznačyŭ, što Tramp padrabiazna prainfarmavaŭ jeŭrapiejskich lidaraŭ pra vyniki svajoj sustrečy z kiraŭnikom RF.
«Jon (Tramp) vielmi padrabiazna raskazaŭ nam, jak intensiŭna jon abmiarkoŭvaŭ z Pucinym umovy mirnaha pahadnieńnia. Až da abiacańnia, što Amieryka hatovaja dać Ukrainie harantyi biaśpieki. Heta jašče nie było ahučana na ŭčorašniaj sumiesnaj pres-kanfierencyi. Ja liču, što hatoŭnaść Amieryki dać takija harantyi biaśpieki… źjaŭlajecca sapraŭdy vialikim prahresam».
Pry hetym Mierc adznačyŭ, što praca nad mirnym pahadnieńniem jašče nie skončanaja.
Čytajcie taksama:
Tramp pieradaŭ Zialenskamu, što Pucin choča atrymać uvieś Danbas
Lidary ES zajavili pra hatoŭnaść padtrymlivać Ukrainu i pracavać z Trampam
Pasły ES sklikanyja na ekstrannuju sustreču ŭ Brusieli paśla samita Pucina i Trampa
Tramp raskazaŭ Zialenskamu i lidaram NATA, što Pucin nie choča časovaha pieramirja
Były daradca prezidenta ZŠA: Tramp na pieramovach nie prajhraŭ, ale Pucin vidavočna pieramoh